Бир йил олдин Владимир Зеленский президентлик қасамёдини қабул қилиб, Украинани бошқаришга киришган. У сайловнинг иккинчи босқичида 73 фоиз овоз тўплаб, Прездиент этиб сайланган эди.  

У короновирус билан етарлича курашди, карантин чекловларини эса аста секин бекор қилмоқда.

Коронавирус эпидемияси дунё давлатлари каби Украинани ҳам забд этди. Мамалкатга вирус тарқалган дастлабки кунларда  аҳолига ниқоблар, шифокорлар учун ҳимоя костюмлари ва касалхоналарда турли жиҳозлар етишмовчилиги кузатилди.  

Украинада касаллик тарқалиш даражаси умуман хавфли кўриниш олмаган вазиятда қаттиқ карантин чекловларини жорий қилишди.

Шунингдек, Владимир Зеленскийнинг ижтимоий тармоқлар ва ОАВларида фаол бўлиб, деярли ҳар куни ўз видеомурожаатларида украиналикларга коронавирусга қарши олиб борилаётган чоралар ҳақида хабар бериб турди. Президент ҳеч қаерга чиқмасдан президент маъмурияти биносида яшади ва соч, соқоли тартибга келинмаган ҳолда нутқ сўзлади.

Аммо Украинада ҳам коронавирус эпидемиясига қарши кураш жараёни можаролар билан кечди. Масалан, соғлиқни сақлаш вазирлиги юқумли касалликка қарши курашиш учун зарур ускуналарни сотиб олишни ортга сурди. Хавфли касаллик аниқланган илк ойда зарур тиббий ускуна ҳамда жиҳозларни харид қилиш учун аксарият харажатлар кўнгиллилар ва хайрия қилувчилар ҳисобидан қилинди.

Шифокорлар учун махсус тиббий кийимлар хитойлик ишлаб чиқарувчилардан украиналик таклиф этган нархга қараганда анча юқори нархда сотиб олинди. Бунинг устига уларни Украинага етказиб бериш Хитойдаги қатъий карантин туфайли тўҳтаб қолди.

Умуман олганда Зеленский худди ўзи рол ижро этган «Слуга народа» фильмидагидек Прездиентликни амалда ижро этиш, ролда бажаришдан мушкулроқ эканлигини ҳис этган бўлса ажаб эмас. Эслатиб ўтамиз у ҳокимятга келишдан аввал фақат кинода президент ролини ижро этган. 

Камола Абдувалиева